Triail Ghaeilge ar Líne UCD
Tá fáilte romhat chuig Triail Ghaeilge ar Líne UCD.
📝
Tá 100 ceist ar fad sa triail.
Roghnaítear ceisteanna na trialach go randamach, mar sin beidh an triail difriúil gach uair a dhéanfaidh tú í.
💻
Tógann sé idir 10 agus 20 nóiméad ar an meán le déanamh.
Más mian leat éirí as an triail roimh an deireadh, is féidir leat é sin a dhéanamh ach cliceáil ar an gcnaipe Torthaí na trialach.
👌
Roghnaigh an freagra ceart.
Tá an triail seo grádaithe, mar sin éiríonn na ceisteanna níos deacra de réir mar a théann tú síos tríothu.
✉️
Gheobhaidh tú ríomhphost láithreach ina mbeidh do scór.
Cuirfear in iúl duit cad iad na freagraí a bhí ceart agus mícheart agat agus tabharfar na freagraí cearta duit.
MÁ TÁ GAEILGE LÍOFA AGAT ...
tá sé tábhachtach go ndéanfá na ceisteanna go léir sa triail seo a fhreagairt chun a chinntiú go mbeidh iontaofacht ag baint leis an scór a gheobhaidh tú.
MURA BHFUIL GAEILGE LÍOFA AGAT ...
b’fhearr duit éirí as na ceisteanna a fhreagairt agus cliceáil ar an gcnaipe Torthaí na trialach má thugann tú buille faoi thuairim i gcás cúpla ceist as a chéile.
Foghlaimeoirí
Úsáideann foghlaimeoirí a bhfuil suim acu freastal ar rang de chuid Ghaeltacht UCD an triail seo go minic chun tuairim a fháil cén leibhéal atá oiriúnach dóibh. Anseo thíos, tugtar treoir maidir leis an leibhéal atá oiriúnach i gcás gach scóir ó 0 go 100.
| Scór | An leibhéal is oiriúnaí |
|---|---|
| 0 - 14 | Bonnleibhéal 1 (A1) |
| 15 - 29 | Bonnleibhéal 2 (A2) |
| 30 - 44 | Meánleibhéal 1 (B1) |
| 45 - 59 | Meánleibhéal 2 (B2) |
| 60 - 100 | Ardleibhéal 1 (C1) / Cruinneas sa Ghaeilge (C1) |